Dois
Três
Quatro
Cinco
Seis
Dama
Valete
Rei
Manilha
Ás
Paus
(= ♣)
Espadas
(= ♠)
Copas
(=
Ouros
(=
Copas (pronunciate cópash) es un joco de cartas portugese que io apprendeva de mi patre, e que nos totevia ama jocar a domo. Proque illo es un de iste jocos, pro qual cata village e cata familia ha su proprie regulas de casa, il es logic a me que io tentaria codificar le regulas como io los cognosce alicubi, specialmente proque io comenciava jocar lo con mi amicos.
On utilisa un joco de 40 cartas in toto. Le cartas que nos usa hodie es un hommage al cartas de jocar portugese traditional (solmente authentic con dracones sur le asses) que io mesme designava e lor apparentia es isto, assortite del carta plus basse al plus alte:
| Duo Dois |
Tres Três |
Quatro Quatro |
Cinque Cinco |
Sex Seis |
Dama Dama |
Valet Valete |
Rege Rei |
Septe Manilha |
Asse Ás |
|
|---|---|---|---|---|---|---|---|---|---|---|
| Bastones Paus (= ♣) |
|
|
|
|
|
|
|
|
|
|
| Spadas Espadas (= ♠) |
|
|
|
|
|
|
|
|
|
|
| Cuppas Copas (= |
|
|
|
|
|
|
|
|
|
|
| Auros Ouros (= |
|
|
|
|
|
|
|
|
|
|
Realisticamente on pote etiam prender qualcunque joco de Bridge o Poker e remover le 8s, 9s e 10s (lo que le majoritate applattante de portugeses e brasilianos face etiam) o usar un joco de cartas espaniol. Forsan illos non es tan belle como le cartas portugese, ma illos es multe mas facile a obtener.
Le objectivo es evitar le cartas de cuppas o cordes, le copas eponyme. Quicunque ha 51 o plus copas in toto al fin de un rotata perde le joco.
On joca Copas traditionalmente con quatro jocatores. Con tres jocatores, le duo de bastones es removite quo le numero de cartas in toto remane divisibile a tres. Jocar con cinque jocatores etiam es theoreticamente possibile, ma io mesme non lo ha testate nunquam.
Le jocator al derecta del distributor misce le cartas, le jocator al sinistra seca le cartas, e le distributor distribue (logicamente). On distribue le cartas antihorarimente quo cata jocator ha le mesme amonta de cartas, i.e. 13 con tres jocatores, 10 con quatro jocatores e 8 con cinque jocatores. Al fin de un rotata, le jocator al derecta del distributor deveni le nove distributor e toto comencia de nove.
Quicunque misceva le cartas es le prime jocator qui joca un carta. Depost illo, le joco continua antihorarimente. Cata jocator debe jocar un carta del mesme color como le carta primemente jocate si on lo ha ("fornir"). Si on non lo ha, on pote jocar qualcunque carta ("discartar"). Le jocator qui jocava le carta plus alte del color correcte prende tote le cartas del vaza a se mesme e joca un nove carta. Illo continua usque on jocava tote le cartas.
Nota bene que il ha alicun circumstantias special a considerar:
Cata jocator conta le copas que il recipeva durante le rotata. Cata copas vale un puncto penal, e il ha 10 punctos penal per rotata.
Si un jocator recipeva tote 10 copas, il non obtene le punctos penal automaticamente. In loco de illo, on joca un rotata de bonus: si iste mesme jocator succede a non obtener alicun copas durante le rotata de bonus, le 10 copas del previe rotata es radite sin reimplaciamento. Si non, il recipe 10 punctos penal plus un puncto penal additional per carta de copas recipite, etiam si il obteneva tote 10 copas de nove: ille rotata valera 20 punctos penal pro ille.
Si un jocator gania tote le cartas, cata altere jocator automaticamente obtene 10 punctos penal.
Si un jocator ha 51 o plus punctos penal al fin de un rotata, il "erumpe" e perde le joco. Reciprocamente, le jocator qui ha le minus punctos penal es le ganiator. Si plus que un jocator erumpe al mesme tempore, quicunque ha le plus punctos penal es le perditor.
Le variantes listate in basso ha lor origine del facto que io non memorava le regulas completamente quando io los inseniava a mi amicos (ups!). Totevia, il non me sembla que mi patre haberia alicun problema con isto. Illos es: